PENILAIAN KETERAMPILAN WULANGAN 2 KELAS 8

 

Pahargyan Karnaval HUT Kutha Jogja Kaping 260

Sumber gambar: http://kabar-jogjakarta.blogspot.com/2016/10/kumpulan-foto-puncak-perayaan-hut-260.html

Pahargyan karnaval HUT kutha Jogja Kang Kaping 260 rinasa mligi(khusus) katandhingake taun-taun sadurunge, lantaran kabeh pamawa(peserta)/kang nylirani karnaval ngagem panganggo tokoh wayang. Pirang-pirang tokoh dibeberake, Jemuwah (7/10/2016) ing antarane, Anoman, Kresna, Gathotkaca, Semar, Srikandi, Cakilan, Antaboga, Arjuna, Rahwanaa, Bima, lan Niwata Kawaca.

Kabeh pamawa diwenehi kalodhangan mbeberake kreasine sajrone 3-5 menit ing panggung utama Tugu Jogja. Kepala Bidang Promosi Wisata, Dinas Pariwisata kutha Jogja, Ibu Yetti Martanti, ngandharake wayang Jogja Night Carnival iki uga ngrengkuh agen travel jeron negeri lan njaban negeri. Amarga alasan iki kanggo nepungake wakil lan beberan kesenian saka saben kecamatan, pranatacara anggone ngandharake migunakake rong basa, yaiku Basa Indonesia lan Basa Inggris.

Miturut lbu Yetti tema wayang iki beda karo pawai budaya Jogja sadurunge. Menawa sadurunge kabeh pamawa bebas mbeberake kesenian lan panganggo uga miturur jinising kesenian, dene wektu iki kudu nganggo panganggo tokoh wayang. Pawai budaya Jogja sing digelar Jemuwah (7/10/2016) bengi arep diloni dening 14 kecamatan. Saben kecamatan ngirim pamawa 50-500 wong.

Kabeh pamawa arep nggunakake panganggo tokoh wayang Anoman, Kresna, Gathotkaca, Semar, Srikandi, Cakilan, Antaboga, Arjuna, Rahwana, Bima, lan Niwata Kawaca. Saben pamawa diwenehi kalodhangan mbeberake kreasinya sajrone 3-5 menit ing panggung utama Tugu Jogja.

 

 

Sawise maca lan mahami pawarta ing dhuwur, wangsulana pitakonan ngisor iki ing buku tulismu kanthi basa krama!

1. Babagan apa kang diceritakake ing pawarta dhuwur?
2. Ana ing ngendi para pamawa mbeberake kreasine sajrone telu nganti limang menit?
3. Kapan pawarta ing dhuwur dumadi?
4. Kenangapa, karnaval kasebut diarani mligi?
5. Sapa wae kang melu ing karnaval kasebut ?
6. Kepriye kiprahe para pamawa ing acara karnaval kasebut?
7. Kaceritakna tanggapan/panemu(pendhapat) para siswa babagan isine pawarta ing dhuwur!