MATERI WULANGAN 3 KELAS 7 CANGKRIMAN

 

WULANGAN 3 KELAS 7

CANGKRIMAN

Cangkriman

Cangkriman yaiku tetembungan utawa unen-unen kang kudu dibatang utawa dibedhek utawa dibatang.

dibedhek.

Wujude cangkriman

1.      Cangkriman wancahan tembung yaiku cangkriman kang wujud cekakan saka tembung-tembung.

Tuladha:

1. tongyong rengreng

Bedhekane                  : gotong royong bareng-bareng

Pitutur                         : gotong-royong

2. burnaskopen

Bedhekane                  : bubur panas kokopen

Pitutur                         : sareh, ora kesusu

3. wiwawi teles badhonge

Bedhekane                  : uwi dawa wite, tales amba godhonge

Pitutur                         : kawruh bab tanduran

2.      Cangkriman Irib-iriban yaiku cangkriman kang bedhekane ngemu surasa irib-iriban utawa emper-emperan(kaya dene).

Tuladha:

1. Sega sakepel dirubung tinggi

Bedhekan                    : salak

Pitutur                         : panglipur

2. Pitik walik saba meja

Bedhekan                    : sulak

Pitutur                         : panglipur

3.      Cangkriman Blenderan/Plesedan

Tuladha:

a.       Bakule krambil dikepruki

Bedhekan                    : sing dikepruke krambile

Pitutur                         : panglipur

2. Tulisan Arab macane saka ngendi1?

Bedhekan                    : alas

Pitutur                         : panglipur

4.      Cangkriman awujud tembang

Tuladha:

1. Pocung

Bapak pocung yen enom klambine gadhung

Yen wis rada tuwa

Si pocung klambine kuning

Tuwa pisan si pocung klambine abang

Bedhekan              : mlinjo

Pitutur                   : panglipur

 

Bapak pocung dudu watu dudu gunung

Dawa kaya ula

Ancik-ancik wesi miring

Lunga teka si pocung ngumbar suwara

Bedhekan              : sepur

Pitutur                   : panglipur

 

Bapak pocung cangkemu marep mandhuwur

Sabamu ing sendhang

Pencokanmu lambung kering

Prapteng wisma si pocung muntah guwaya

Bedhekan              : klenthing

Pitutur                   : panglipur

 

Bapak pocung dudu watu dudu gunung

Sangkamu king Plembang

Ngon-ingone sang bupati

Yen lumampah si pocung lambeyan grana

Bedhekan              : gajah

Pitutur                   : panglipur

 

2. Gambuh

Kulite sungsun-sungsun

Jroning kulit wonten rambutipun

Jroning rambut wonten untu padha baris

Jroning untu iku balung

Jroning balung iku kopong

Bedhekan              : jagung

Pitutur                   : panglipur

 

3. Nyata kowe wasis, sis

Batangen sing gelis, lis, lis, lis...

Cangkriman telu iki.

Jangkrik sungutslawe, batangane apa,

Manuk ndhase telu batangane apa,

Bapak demang, mang klambi abang, bang, bang

Disuduk manthuk-manthuk...

Batangane : sungute sakgedhene lawe,

manuk endhase kebuntel wulu,

tuntut

 

5.      Cangkriman awujud ukara wantah

Tuladha:

1. Sing cendhek dikedhuki, sing dhuwur diurugi

Bedhekane      : timbangan

Pitutur             : panglipur

2. Anake diidak-idak, mbokne dielus-elus.

Bedhekane      : andha

Pitutur             : panglipur

 

TUGAS:

Yen wis rampung maca lan mahami bahan ajar ing dhuwur, banjur garapen pitakon ing ngisor iki, wangsulan ditulis ing buku tulis:

1.      Katerangna kang aran cangkriman!

2.      Wujud cangkriman ana? Kasebutna!

3.      Wenehana telu tuladha cangkriman wancahan lan bedhekane!

4.      Golekana bedhekan/ batangan saka cangkriman ngisor iki:

a.       Pitik walik saba meja

b.      Mboke loro anake siji, mboke telu ora duwe ana

3. Tulisan Arab macane saka ngendi?

d.      Anake diidak-idak, mboke dielus-elus

5.      Wenehana telu tuladha cangkriman blenderan lan katerangna batangane!

6.      Katulisna sawijining tuladha cangkriman wujud tembang lan uga bedhekane!