WULANGAN 2
PAWARTA
Kompetensi Dasar
3.2. Memahami strategi menyimak berita berbahasa
Jawa
4.2. Menangkap informasi-informasi dalam berita
berbahasa Jawa
A. Tata Cara nyemak
(pawarta )kang becik
Nyemak
pawarta kudu bisa nambahi jembar kawruhe. Mula saka iku kudu ngerten cak-cakaning utawa
urut-urutaning nyemak kang becik, sebab nyemak iku ora padha karo mung ngrungokake .
Nyemak kang becik, iku kanthi urut-urutan mangkene:
1. Ngrungokake
2. Mangerteni isine
3. Negesi tembung
4. Ninthingi
5. Aweh tanggapan
Tata
cara nyemak informasi kanthi becik lan bener supaya bisa nggayuh sawijining tujuwan yaiku bisa
njupuk inti sari saka sawijining informasi kang sabanjure bisa didadekake minangka bahan kanggo
nggawe sawijining keputusan bisa dilakoni kanthi cara-cara kaya kang kasebut ing
ngisor iki:
1. Gatekna judhul kang bakal diaturake utawa
diwaosake.
2. Catheten tembung
tembung kunci kang dianggep wigati awujud tembung utawa ukara.
3. Catheten ide-ide pokok saben pada paragraf.
4. Catheten fakta-fakta
utawa data awujud angka Isp.
5. Andharna meneh mawa tetembungane dhewe adhedhasar
data-data kang wis kacathet mau
(Terjemahan bebas saka Wikipedia Bahasa Indonesia)
Wacanen
kanthi sora!
Upacara Melasti
TRIBUNJOGJA.COM
GUNUNGKIDUL - Atusan
Umat Hindhu saking DIY saha mapinten pinten umat saking papan sanesipun,
nindakaken Upacara Melasti ing Pesisir Ngobaran, Desa Kanigoro,
Kecamatan Saptosari, dinten Kemis 1 Maret 2018. Upacara Melasti menika mujudaken salah
satunggaling upacara sesuci dhiri kangge mahargya Dinten Riyaya Nyepi kagem Umat Hindu.
Upacara
ingkang ancasipun kangge
sesuci dhiri lan wewengkon punika lumampah rancag lan tumemen. Para Umat
Hindhu saking Gunungkidul
lan Ngayogyakarta katingal
ngebaki papan gumelaring Upacara
Melasti, kanthi mbekta pratima
saha gunungan kanthi dipuniringi
mantra suci, kidung suci, ingkang
dipunpimpin dening para Wasi
utawi Pinandhita . Maneka uba-rampe lan sesaji dipunpapanaken ing Pura Segara Wukir dipunbekta dening umat dipuntata
dhateng gisiking Pesisir Ngobaran dene pangarsa umat tumuli mandhegani
konjuking donga
pamuji.
Sedaya
ubarampe dipunlarung, dene gunungan ingkang sampun dipunsucekaken, dipunrubung lan kangge
rebatan saperlu dipun-asta kondur dening
umat. Ketua
Parisada Hindu Darma Indonesia Gunungkidul, Punwanto, mratelakaken, bilih Upacara Melasti menika
Upacara konjuk dhateng Hyang Widhi Wasa. Wonten ing upacara menika sedaya umat
Hindu saged wangsul suci malih saha resik saking sedaya niat saha tumindak awon. Labuhan
menika minangka pralambang
bilih Umat Hindu saged ngadhep Hyang Baruna lan saged bebas saking niat awon
saha tumindak awon. (Rendika Ferri K)
(Kabesut lan terjemahan bebas saking Tribun Jogja)
- Ancasipun : tujuwane
- Rancag :
lancar
-
Tumemen : temen, tenanan
-
Gisiking : pinggiring
-
Mratelakaken : nerangake, njelaske
-
Awon : ala
Teks Pawarta Basa Jawa
Bakuning Pawarta kanthi adhedhasar 5 W+ H1
1. What:
Apa kang diwartakake/kang dikandhakake ing pawarta
2. Who:
Sapa arane paraga ing pawarta
3. When:
Kapan dumadine
4. Where: Ing ngendi dumadine
5 Why :
Apa jalarane kadadean iku
6. How: Kepriye
kadadeane (urut-urutane kadadean)
Titikane Pawarta
1. Aktual/anyar
Kadadean kang isih anyar, lagi wae kadadean utawa
lagi kadadean.
2 Faktual/nyata
Kadadean iku pancen nyata ana.
3. Wigati, pawarta dianggep wigati:
a. Paraga ing kadadean iku mujudake paraga kang
penting, bisa punggawa pamarentahan,
artis, atlet utawa tokoh agama.
b. Isi pawarta gegayutan
karo wong akeh/masyarakat
4. Ndudut /narik kawigaten
Pawarta
bisa nuwuhake rasa kepingin ngerti, kepingin nyemak utawa kepingin maca. Kadadean kang naik
kawigaten lumrahe kadadean kang
bisa aweh lelipur, aneh,
criminal, katresnan.
Tuladha:
Wow,
Ana Dinosaurus ing Taman Pintar
Laporan Reporter
Tribun Jogja, Rendika Ferri K (Kajarwakake)
TRIBUNJOGJA.COM, YOGYA;
Taman Pintar Yogyakarta ngresmekake wahana anyar interaktif Dino Adventure Palaentology Park,
Rebo,16 Desember 2015 ing Gedung Kotak
Lantai 3 Taman Pintar Yogyakarta.
Acara
kasebut dirawuhi dening Walikota Yogyakarta, diampingi Direktur PT. Mahaka Attraction,
Kepala Pengelolaan Taman Pintar Yogyakarta, kanthi maringi pangandikan awit kasile
nggelar wahana anyar kanthi regeng. Acara diterusake syukuran, diwiwiti
tigas tumpeng dening Walikota Yogyakarta diterusake launching lan paniti priksa wahana anyar mau.
Kepala
Kantor Pengelolaan Taman Pintar Yogyakarta, Yunianto Dwisutono, ngendika, anggone
ngresmekake Wahana Dino Adventure
Palaentology Park iki ngepasi
pengetan tanggap warsa Taman Pintar sing kaping 7, sisan gawe dadi kado saka Taman Pintar
Yogyakarta.
Ing
pangangkah, anane Wahana Dino Adventure
Palaentology Park iki sangsaya ngrembakake wawasan IPTEK tumrap
masyarakat, lan ndadekake Taman Pintar Yogyakarta punjering sains paling manjila.
"Sajrone
wektu pítung taun, Taman Pintar kasil ngembangake
misi pendidikan kanthi
nepungaken sains marang masyarakat nganggo sawernaning media sing dikembangake dening
Taman Pintar. Acara kasebut sisan dadi kado, muga-muga sangsaya ngrembakake
wawasan ilmu pengetahuan tumrap masyarakat", Ngendikane Yunianto, Rabu (16/12).
Wahana
Dino Adventure Palaentology Park,
nggelarake prasejarah jaman jurasik kang dikemas nganggo teknologi robotic canggih.
Taman
pintar mapanake enem replika robot dinosaurus canggih. Sing ndadekake robot dinosaurus obah
disorot cahya lan diringi swara. Kaya-kaya, robot urip tenanan kaya asline. Wahana anyar Dino Adventure jembare 800 meter persegi. Ing
arena kuwi bisa numpak kreta mini momot
20, bisa mubeng-mubeng karo mriksani panguripan kewan dinosaurus zaman purba.
Wahana kuwi nggelar 6 kewan Dinosaurus yaiku. Tyranosaurus
(T-Rex), Styracosaurus,
Prasaurolophus, Allosaurus, Stegosaurus, lan Diplococcus.
Sadurunge
mubeng, wisatawan luwih dhisik disuguhi video babagan spesifikasi lan sipate saben
dinosaurus, kalebu papan ditemokake fosil kang sumebar saindenging bumi.
Ing
acara kasebut uga dirawuhi Walikota Yogyakarta, Haryadi Suyuti, pangandikane kanthi
anane Wahana anyar Dino Adventure
sangsaya mepaki wahana-wahana edukasi sajrone Taman Pintar Yogyakarta.
Pangandikane
Haryadi maneh, "Taman Pintar digegadhang dadia magnet majune IPTEK, lan dadi warisan sing kudu dijaga
supaya tetep ana kanthi ngetrapake aplikasi canggih,
nyuguhake wahana pasinaon sing nyenengake lan ngregengake tumrap masyarakat lan
wisatawan".
Wahana
Dino Adventure Palaentology Park
resmi dibukak wiwit Rebo,16 Desember
2015, sasuwene wulan Desember 2015 sajrone tanggap warsa Taman Pintar kang kaping 7,
dibukak saben dina wiwit tabuh 09.30-16.30 WIB.
Sumber:
https://jogja.tribunnews.com/2015/12/17/tribun-jogja-tv-wow-ada-dinosaurus-di-taman-pintar (kanti ewah-ewahan sawetawis)
Katrangan:
1. Apa kang diwartakake? : Wow, ana
Dinosaurus ing Taman Pintar
2. Sapa arane paraga ing pawarta? : Kepala Kantor Pengelolaan
Taman Pintar Yogyakarta Yunianto
Dwisutono, Walikota Yogyakarta, Haryadi
Suyuti.
3. Kapan
dumadine? : Rabu,
16 Desember 2015 22:52
4.
Ing ngendi papan dumadine? : Taman Pintar penere
mapan ing Jalan Panembahan
Senopati No. 1-3 Yogyakarta.
5. Apa kang njalari? : Taman Pintar
digegadhang dadia magnet majune
IPTEK, lan dadi warisan sing kudu dijaga supaya tetep ana kanthi
ngetrapake aplikasi
canggih, nyuguhake wahana pasinaon
sing nyenengake lan ngregengake tumrap
masyarakat lan wisatawan.
6.
Kepriye kadadeane? : Taman
Pintar Yogyakarta ngresmekake wahana
anyar interaktif Dino Adventure Palaentology
Park, Rebo, 16 Desember 2015. Wahana
Dino Adventure Palaentology Park resmi
dibukak wiwit dina iki, Rabu, 16 Desember
2015, sasuwene wulan Desember 2015
sajrone tanggap warsa Taman Pintar
kaping 7, dibukak saben dina wiwit tabuh 09.30 tekan 16.30 WIB.
Yen wis rampung anggonmu mahami bahan ajar Wulangan 2 ing dhuwur, banjur garapen Penilaian Pengetahuan ngisor iki:
Reviewed by Aziz
on
September 08, 2020
Rating:
Tidak ada komentar: